2. கூடுதல் விளக்கம் - உருவக, ஏகதேச அணி

  

 

உவமையாகின்ற பொருளுக்கும் (உவமானம்) உவமிக்கப்படும் (உவமேயம்) பொருளுக்கும் இடையிலான வேறுபாட்டை நீக்கி, அவை இரண்டும் ஒன்றே என்னும் உள்ளுணர்வு தோன்றுமாறு ஒற்றுமைப் படுத்திக் கூறுவது உருவகம் என்னும் அணியாகும்.

 

அதாவது உவமேயத்தில் உவமானத்தை ஏற்றிக் கூறுதல்.

 

இதனை,

 

என்ற நூற்பாவால் அறியலாம்.

 

 

உவமையணியில் உவமானம் முன்னும் உவமேயம் பின்னும் இருக்கும். இரண்டினுக்கும் ஒப்புமைக் காட்ட இடையில் போல, புரைய, அன்ன முதலான உவமைஉருபுகளுள் ஒன்று வரும்.

 

உருவக அணியில் உவமேயம் முன்னும் உவமானம் பின்னும் வரும்.

 

இவற்றை ஒற்றுமைப்படுத்துவதற்காக 'ஆகிய' என்ற உருபு இடையில் வரும். 'ஆக' என்ற உருபும் வருவதுண்டு. இவை 'உருவக உருபுகள்' என்று கூறப்படும். இவை மறைந்து வருதலும் உண்டு.

 

மலர் போன்ற கண், மலர்க்கண் - உவமை

 

கண் ஆகிய மலர், கண்மலர் - உருவகம்

 

உருவக அணியின் வகைகள் உருவக அணி மொத்தம் பதினைந்து வகைப்படும் என்று தண்டியலங்காரம் காட்டுகிறது. (தண்டி - 37)