PUMPA - SMART LEARNING
எங்கள் ஆசிரியர்களுடன் 1-ஆன்-1 ஆலோசனை நேரத்தைப் பெறுங்கள். டாப்பர் ஆவதற்கு நாங்கள் பயிற்சி அளிப்போம்
Book Free Demo(iv) இரண்டாம் வேற்றுமை உருபும் பயனும் உடன்தொக்க தொகையில் வரும் வல்லினம் மிகும். (v) மூன்றாம் வேற்றுமை உருபும் பயனும் உடன்தொக்க தொகையில் வரும் வல்லினம் மிகும். (vi) நான்காம் வேற்றுமை உருபும் பயனும் உடன்தொக்க தொகையில் வரும் வல்லினம் பெரும்பாலும் மிகும்.
சான்று :
நகை + கடை = நகைக்கடை
(நகையை விற்கும் கடை)
தயிர் + குடம் = தயிர்க்குடம்
(தயிரை உடைய குடம்)
எலி + பொறி = எலிப்பொறி
(எலியைப் பிடிக்கும் பொறி)
மலர் + கூந்தல் = மலர்க்கூந்தல்
(மலரை உடைய கூந்தல்)
நெய் + குடம் = நெய்க்குடம்
(நெய்யை உடைய குடம்)
சான்று :
வெள்ளி + கிண்ணம் = வெள்ளிக் கிண்ணம்
(வெள்ளியால் ஆகிய கிண்ணம்)
இரும்பு + பெட்டி = இரும்புப் பெட்டி
(இரும்பினால் ஆகிய பெட்டி)
தேங்காய் + சட்னி = தேங்காய்ச் சட்னி
(தேங்காயால் ஆன சட்னி)
பித்தளை + குடம் = பித்தளைக் குடம்
(பித்தளையால் ஆன குடம்)
சான்று :
கோழி + தீவனம் = கோழித் தீவனம்
(கோழிக்கு உரிய தீவனம்)
குழந்தை + பால் = குழந்தைப் பால்
(குழந்தைக்கு ஏற்ற பால்)
(vii) ஐந்தாம் வேற்றுமை உருபும் பயனும் உடன்தொக்க தொகையில் வரும் வல்லினம் மிகும்.
சான்று :
வாய் + பாட்டு = வாய்ப்பாட்டு
(வாயிலிருந்து வரும் பாட்டு)
கனி + சாறு = கனிச்சாறு
(கனியிலிருந்து எடுக்கப்படும் சாறு)
(viii) ஏழாம் வேற்றுமை உருபும் பயனும் உடன்தொக்க தொகையில் வரும் வல்லினம் மிகும்.
சான்று :
தண்ணீர் + பாம்பு = தண்ணீர்ப்பாம்பு
(தண்ணீரில் உள்ள பாம்பு)
சென்னை + கல்லூரி = சென்னைக் கல்லூரி
(சென்னையில் உள்ள கல்லூரி)
மதுரை + கோயில் = மதுரைக்கோயில்
(மதுரையில் உள்ள கோயில்)
மலை + பாம்பு = மலைப்பாம்பு
(மலையில் உள்ள பாம்பு)
(ix) ஆறாம் வேற்றுமைத் தொகையில் நிலைமொழி அஃறிணையாய் இருப்பின், அதன் முன்னர் வரும் வல்லினம் மிகும்.
சான்று :
கிளி + கூண்டு = கிளிக்கூண்டு
புலி + குட்டி = புலிக்குட்டி
நரி + பல் = நரிப்பல்
வாழை + தண்டு = வாழைத்தண்டு
எருமை + கொம்பு = எருமைக் கொம்பு
தேர் + சக்கரம் = தேர்ச்சக்கரம்
Register for free to see more content