10. நேரம் மற்றும் நேரத்தை அளக்கும் சாதனங்கள்

பகல் இரவாகவும்,  இரவு பகலாகவும் மாறுவதைப் போல, அன்றாட வாழ்க்கையில்,   நம்மைச் சுற்றியுள்ள பல விஷயங்களில் பல மாற்றங்கள் நிகழ்கின்றன.

 

 

 

உலகின் பல்வேறு பகுதிகளில் உள்ள மக்கள், வெவ்வேறு வடிவமைப்புகளைக் கொண்ட பல வகை நேர அளவீட்டுக் கருவிகளைப் பயன்படுத்துவர்.

 

 

பழைய காலங்களில் மணல் கடிகாரம், சூரியக் கடிகாரம் மற்றும் நீர் கடிகாரங்கள் ஆகியவற்றை பயன்படுத்தி நேரத்தைக் கணக்கிட்டனர்.

 

  

மக்கள் நிழல்களின் உதவியுடன் பழைய நாட்களில் நேரத்தைக் கணக்கிட்டனர். ஒரு குச்சியால் போடப்பட்ட நிழல் அதற்கு பயன்படுத்தப்பட்டது.

 

 

பாத்திரம் அல்லது பாட்டிலில் ஒரு சிறிய துளையிட்டு,அதனை நேரத்தைக் கணக்கிடும் சாதனமாகப் பயன்படுத்தலாம். பாத்திரத்தில் அல்லது பாட்டிலில் இருந்து வெளியேறும் நீர் நேரத்தைக் கணக்கிடப் பயன்படுகிறது.

 

 

நேரத்தை அளவிட நாடித் துடிப்பைக் கூடப் பயன்படுத்தலாம், ஆனால் துல்லியமாக அல்ல. நாடித் துடிப்பின் எண்ணிக்கை எவ்வளவு நேரம் கடந்துவிட்டது என்று கணக்கிட உதவும்,  'ஒரு வினாடி', 'இரண்டு வினாடிகள்' என்று சாதாரண விகிதத்தில் உச்சரித்து நேரத்தைக் கணக்கிடலாம். எனினும், நேரத்தை அளவிடுவதற்கான இந்த நுட்பங்கள் மற்றும் முறைகள் துல்லியமான மதிப்பை வழங்காது.

 

 

மேலே குறிப்பிடப்பட்டுள்ள சாதனங்கள் அனைத்தும், கடிக்காரங்களின் அறிமுகத்துக்கு முன்பு பயன்படுத்தப்பட்டன. இருப்பினும், தொழில்நுட்பத்தின் முன்னேற்றத்தால் துல்லியமான நேர இடைவெளிகளை அளவிடக்கூடிய கடிகாரங்கள் வளர்ச்சி அடைந்துள்ளன.