6. பட்டு

 

திருமண விழாவில் மணமகனும், மணமகளும் பட்டால் தயாரித்த உடைகளை உடுத்துவார்கள்.

ஒரு வயது முதிர்ந்த பெண் பட்டுப் பூச்சி சுமார் \(500\) முட்டைகளை இடுகிறது. இதன் முட்டைகளை குளிர் வெப்பநிலையில் ஆறு வாரங்கள் வைத்திருக்க வேண்டும். பின் பத்து நாள்கள் அடைகாக்கும் பெட்டியில் (இன்குபேட்டர்) முட்டைகளை பாதுகாத்து வைத்த பின் முட்டைகள் பொரிந்து லார்வாக்களாக வெளிவருகிறது.

 

இவை மல்பெரி இலைகளை \(35\) நாட்கள் உணவாக உட்கொண்டு வாழும். இதன் பிறகு ஐந்து நாட்களில் பட்டுப்புழு பட்டு இழைகளை தயார் செய்கிறது. மேலும் இவை கூட்டுப் புழுக்களாக மாறி தனித்த நீண்ட பட்டுக்கூடு இழையாக காணப்படும்.

 

  

பின்னர் கொதிக்கும் நீரில் கூட்டுப்புழுக்களைப் போட்டால், அதிலிருந்து மிக எளிதாக பட்டுஇழைகள் பிரிக்கப்படுகிறது ஆனால் கூட்டுப்புழு பட்டு இழைகளை உருவாக்கட்டும் என்று விட்டு விட்டால் அது வெளியே வரும் போது நீண்ட பட்டு இழைகள் கிழியும். இதை தடுப்பதற்காகத் தான் கொதிக்கும் நீரில் கூட்டுப்புழுக்களைக் போட்டு, பட்டு நூலை மிக நீளமான எடுத்து அதைச் சுத்தம் செய்து, நிறமேற்றி ஆடையாக உற்பத்தி செய்கிறார்கள்.

 

  

 

பட்டு இயற்கையிலே அழகானது, கோடை காலத்தில் அணிவதற்கு இதமானதாகவும், குளிர் காலத்தில் வெதுவெதுப்பை கொடுக்க கூடியதாக உள்ளது. நாகரிகமான அழகான நவீன ஆடைகளை உற்பத்தி செய்யவும், பட்டு சிறந்த அழகிய பட்டாடைகள், பட்டு புடவைகள் தயாரிக்கப் பயன்படுகிறது. வீடுகளில் பயன்படும் பொருள்களான சுவர் அலங்காரப் பொருள்கள், திரைச் சீலைகள், கம்பளம் மற்றும் இதர விரிப்புகள் உற்பத்தி செய்யப் பயன்படுகிறது. மருத்துவத் துறையில் பட்டு இழை அறுவை சிகிச்சையின் போது தையல் நூலாகப் பயன்படுத்தப்படுகிறது.