7. நெகிழியின் வகைகள்

அனைத்து நெகிழிகளும் ஒரே மாதிரியான அலகுகளால் அமையப் பெற்றிருப்பதில்லை.

 

ஒரு சில வகை நெகிழிகளில் ஒற்றைப்படிகள் நேரியல் அமைப்பில் இணைந்தும் வேறுசிலவகைகளில் குறுக்குப் பிணைப்பில் இணைந்தும் காணப்படுகின்றன.

 

நெகிழிகள் இரு பெரும் பிரிவுகளாக பிரிக்கப்படுகிறது.

இளகும் நெகிழிகள்:

இவ்வகை நெகிழிகளை உருக்கி மறுசுழற்சி செய்து வேறோரு நெகிழிப் பொருளாக்கலாம்.

 

  

 

பாலி எத்தலீன் (பாலித்தீன்) மற்றும் PET (பாலி எத்திலீன் டெர்ப்தாலேட்) ஆகியவை இளகும் நெகிழிக்கு எடுத்துக்காட்டாகும்.

 

இறுகும் நெகிழிகள்:

 

பேக்லைட்  இறுகும் நெகிழிக்கு எடுத்துக்காட்டாகும். இது வெப்பம் மற்றும் மின்சாரத்தை கடத்தாது. எனவே இதனை பயன்படுத்தி மின்சுவிட்சுகள் மற்றும் பாத்திரங்களின் கைப்பிடிகள் தயாரிக்க பயன்படுகிறது.

 

 

மெலமைன் இறுகும் நெகிழிக்கு மற்றுமொரு எடுத்துக்காட்டாகும். இது தீயினைத் தாங்கும் திறன் பெற்றிப்பதால் தரை ஓடுகள் மற்றும் தீ அணைக்கும் துணிகள் போன்றவற்றின் தயாரிப்பில் பயன்படுகின்றன.

 

இளகும் நெகிழிகள்	இறுகும் நெகிழிகள்
சங்கிலிகளுக்கு இடையே குறுக்கு பிணைப்பு இல்லை.	பலபடி சங்கிலிகளின் இணைப்பு குறுக்கு இணைப்பாக உள்ளது.
சங்கிலிகளுக்கு இடையே பலவீன ஈர்ப்பு சக்தி உள்ளது.	வலிமையான சகப்பிணைப்பாக அமைந்துள்ளதால் வெப்பப்படுத்தும் பொழுது உடைவதில்லை.
வெப்பப்படுத்தும்போது இளகுகிறது.	வெப்பப்படுத்தும் பொழுது கடினத்தன்மை பெறுகின்றன.