4. நீளம்

நீளம் என்பது இரண்டு புள்ளிகளுக்கு இடையே உள்ள தூர வேறுபாடு என வரையறுக்கலாம். 

உதாரணமாக, உங்கள் உடல் உயரத்தை அளவிட விரும்பினால், உங்கள் தலைக்கும் கால்விரலுக்கும் இடையே உள்ள நீளத்தைக் கண்டறிய வேண்டும்.

நீளத்தின் $SI$ அலகு மீட்டர் ஆகும். ஒளியானது வெற்றிடத்தில் $1 / 29,97,92,458$ விநாடியில் கடக்கும் தூரமே ஒரு மீட்டர் எனப்படும். 

இதேபோல், தூரத்தை அளவிடவும் இந்த அடிப்படை அளவைப் பயன்படுத்துகிறோம். பொதுவாக, தூரத்தை சென்டிமீட்டர் அல்லது மீட்டரில் கணக்கிடுகிறோம். எனினும், தூரம் பெரியதாக இருந்தால், நாம் கிலோமீட்டரைப் பயன்படுத்துகிறோம். 

கடலில் உள்ள தூரத்தை எப்படி கணக்கிடுகிறோம் என்று நீங்கள் எப்போதாவது யோசித்திருக்கிறீர்களா?

கடலில் உள்ள தூரத்தை அளக்க கடல் மைல் என்ற சொல்லைப் பயன்படுத்துகிறோம்.

$1$ மைல் $=$ $1.6$ கிலோமீட்டர்.

$1$ கடல் மைல் $=$ கடலில் $1.852$ கிலோமீட்டர்.

மிகப்பெரிய தூரங்களை (எ.கா: வானியல் பொருள்களுக்கிடையேயான தூரங்கள்) அளவிட நாம் கீழ்க்கண்ட அலகுகளைப் பயன்படுத்துகிறோம்.

1. வானியல் அலகு

2. ஒளி ஆண்டு

3. விண்ணியல் ஆரம்

பூமிக்கு மிக அருகில் உள்ள நட்சத்திரம் ஆல்ஃபா சென்டாரி (alpha centauri). இது சூரியனிலிருந்து $1.34$ விண்ணியல் ஆரத்தொலைவில் உள்ளது. சூரியனிலிருந்து $500$ விண்ணியல் ஆரத் தொலைவிற்குள் உள்ள நட்சத்திரங்கள், இரவு நேரங்களில் நமது வெறும் கண்ணிற்குத் தெரியும்.

 

[குறிப்பு: *$SI$ அமைப்புக்கு வெளியே உள்ள அலகுகள் இன்னும் பயன்பாட்டிற்கு ஏற்கப்படுகிறது.]