2. புறத்தோற்றம் I

 

  

 

வடிவம் - முயலின் உடல் நீளமான, சற்றே உருளையான வடிவம் உடையது. ஆண் முயல் மற்றும் பெண் முயல் இரண்டும் ஒரே அளவுடையதாய் இருக்கின்றன.

 

 

முழுமையான வடிவம் பெற்ற முயலின் தலை முட்டை வடிவத்தில் அமைந்துள்ளது. பிளவுபட்ட முகவாய் கொண்டது. வாய், நாசித்துளைகள், கண்கள், காதுகள், உணர் உரோமங்கள் ஆகியவை தலையில் காணப்படுகின்றன.

  

a. வாய் - கிடைமட்டப் பிளவாக அமைந்துள்ள முயலின் வாய் பகுதி மென்மையான, தசையாலான மேலுதடு மற்றும் கீழுதடு கொண்டது. மேலுதடு நடுப்பகுதியில் பிளவுபட்டு நாசித்துளை வரை செல்கிறது. இந்தப் பிளவின் வழியே முயலின் முன் இரு பற்களும் வெளியே தெரிகின்றது.

 

b. நாசித்துளைகள் - வாய்க்கு சற்று மேலே சாய்வான துளைகளாக இரண்டு நாசித்துளைகள் உள்ளன. நாசித்துளைகளைச் சுற்றி சற்றே ஈரப்பதம் வாய்ந்த ஒரு தோல்பகுதி காணப்படுகிறது. இதற்கு ரைனேரியம் (Rhinarium) என்று பெயர்.

 

 

d. கண்கள் - தலையின் இருபுறமும் தெளிவான கண்கள் உள்ளது.

e. காதுகள் - முயலுக்கு பெரிய, அசையக்கூடிய இரு புறச்செவிகள் அல்லது காதுமடல்கள், தலைக்கு மேல் பகுதியில் இருக்கின்றன.

 

முயல் விழிப்புடன் எச்சரிக்கை உணர்வுடன் இருக்கும்போது நேராக நீட்டிக்கொண்டு இருக்கின்றன. எதிரிக்கு பயந்து ஓடும் பொழுது பின்னோக்கி இருக்கின்றன. இதன் மூலம் தனது எதிரியின் அசைவுகளை இனம்கண்டு கொள்கிறது. மேலும் உடல் வெப்ப நிலையை சீராகிக் கொள்ளவும் நீண்ட காதுகள் உதவுகின்றன. 

 

f. கழுத்து - தலைப்பகுதியின் தொடர்ச்சியாக உள்ள கழுத்துப்பகுதி, தலையை உடலுடன் இணைக்கிறது. முயலின் கழுத்து குறுகியதாகவும்,தலையை எல்லா திசையிலும் திருப்புவதற்கு எளிதாகவும் அமைந்திருக்கிறது. குழி பறிப்பதற்கும், வேகமாக ஓடுவதற்கும் ஏற்றார்போல்  குறுகிய கழுத்துப் பகுதி அமைந்துள்ளது.