1. அறிமுகம்

இன்று மின்சாரமானது வீடுகளுக்கு அவசியமான ஒன்றாகும். ஆனால், முதன் முதலில் மின்சாரம் எப்பொழுது கண்டுபிடிக்கப்பட்டது ? யார் மின்சாரத்தை கண்டுபிடித்தது ? என்று சிந்தித்தது உண்டா? 

 

\(1882\) - ஆம் ஆண்டு நியூயார்க் நகரத்தில் ஒரு அதிசய நிகழ்வு நடைபெற்றது. அது \(9000\) வீடுகளில் \(14000\) மின்விளக்குகளின் சாவியை தாமஸ் ஆல்வா எடிசன் எனும் அறிவியல் அறிஞர் திறந்த தருணம் அனைத்து விளக்குகளும் எரியத் தொடங்கியது, இது மனித இனத்திற்கு ஓர் மிகப் பெரிய கண்டுபிடிப்பாகும், அன்றிலிருந்து தான் இரவு நேரத்திலும் உலகமே வெளிச்சத்திற்கு வந்தது. அந்நிகழ்விற்குப்பின் பல நாடுகள் நியூயார்க்கிற்கு அடுத்தபடியாக மின்சாரத்தை வீட்டு உபயோகத்திற்கு பயன்படுத்த ஆரம்பித்தது.

 

 

தொழிற்சாலைகள் இயங்கவும் மருத்துவச் சாதனமான செயற்கை உயிர்ப்பு அமைப்புகளிலும், தகவல் தொடர்பு சாதனமான கைபேசி, வானொலி மற்றும் தொலைக்காட்சிப் பெட்டிகளிலும் வேளாண் நிலங்களில் இருந்து நீர் இறைக்கவும், வீடுகளை ஒளியூட்டவும் மின்சாரம் முக்கியமானதாகும்.

 

 

 

வெப்ப ஆற்றல் மற்றும் காந்த ஆற்றல் போன்று மின்சாரமும் ஓர் வகையான ஆற்றலாகும்.