1. உறுப்பு மண்டலங்கள் - ஓர் அறிமுகம்

செல்கள் அனைத்தும் ஒன்றிணைந்து திசுக்களாகவும், திசுக்கள் அனைத்தும் ஒன்று சேர்ந்து உறுப்பாகவும், உறுப்புகளெல்லாம் இணைந்து உறுப்பு மண்டலங்களாகவும், உறுப்பு மண்டலங்கள் அனைத்தும் இணைந்து ஒரு முழு உயிரினமாக உருவாகிறது.

மனிதனின் கைகளையும் கால்களையும் பணிகள் செய்ய வைப்பது நரம்பு மண்டலம் ஆகும். அதேபோல், தசைகளுக்கு ஆற்றலைக் கொடுக்க சுவாச மண்டலம், செரிமான மண்டலம் மற்றும் இரத்த ஓட்ட மண்டலம் ஆகியவை ஒன்றாக இணைந்து செயலாற்றுகிறது.

இதயம், மூளை போன்ற உறுப்புகள் திசுக்கள் பல ஒன்றிணைந்து உருவாகின்றன. அதேபோல் ஒத்த செயல்களைச் செய்யும் உறுப்புகள் சேர்ந்து செரிமான மண்டலம், இரத்த ஒட்ட மண்டலம், நரம்பு மண்டலம் போன்ற உறுப்பு மண்டலங்களை உருவாக்கி, நரம்புத் தூண்டுணர்வைக் கடத்துதல், செரிமானம் மற்றும் இரத்த ஓட்டம் போன்ற செயல்களைச் செய்கிறது. பல்வேறு உறுப்பு மண்டலங்களில் பணிப்பங்கீடு முறை காணப்படுகிறது.