1. உயிரினங்களின் வகைப்பாடு

பூமியில் காணப்படும் பல வகையான உயிரினங்களிடையே பல வேறுபாடுகள் காணப்படுகின்றன. அவற்றின் அமைப்பு, வளரியல்பு, வாழுமிடம், உணவு ஊட்ட முறை மற்றும் அவற்றின் செயலியல் ஆகிய பல பண்புகளில் அவை வேறுபடுகின்றன.

 

இப்பூமியில் \(10\) முதல் \(40\) மில்லியனுக்கும் மேற்பட்ட உயிரினங்கள் உள்ளன. இவற்றுள் \(1.7\) மில்லியன் உயிரினங்கள் மட்டுமே விவரிக்கப்பட்டுள்ளன. இவற்றுள் \(750,000\) பூச்சிகளும், \(250,000\) பூக்கும் தாவரங்களும், \(47,000\) முதுகெலும்புப் பிராணிகளும் அடங்கும்.

 

 

எவரொருவரும் அனைத்து உயிரினங்களையும் அறிய இயலாது. ஆனால் இவ்வுயிரினங்களை ஒரு குறிப்பிட்ட வசதியான முறையில் குழுக்களாகப் பிரித்து ஆராய்ந்தால் அவற்றைப் பற்றி அறிவது எளிதாகின்றது. ஏனெனில் ஒரு குழு அல்லது ஒரு குடும்பத்தின் பண்பு அக்குழுவில் உள்ள அனைத்து தனிப்பட்ட உயிரினங்களுக்கும் பொருந்தும்.

R.H. விட்டேக்கர் (R.H. Whittaker - \(1969\)) என்ற அமெரிக்க வகைபாட்டியல் நிபுணர் அனைத்து உயிரினங்களையும் அவற்றிற்கிடையேக் காணப்படும் பரிணாமத் தொடர்பின் அடிப்படையில் ஐந்து உலகங்களாக வகைபடுத்தினார். இவ்வகைபாடு கீழ்க்கண்ட முக்கிய பண்புகளின் அடிப்படையில் அமைந்துள்ளது.