3. சார்பகத்தின் வகைகள்

$f : A \rightarrow B$ என்பது ஒரு சார்பு என்க. $A$ -யின் வெவ்வேறான உறுப்புகளை $B$ -ல் உள்ள வெவ்வேறு உறுப்புகளுடன் $f$ ஆனது தொடர்புபடுத்துமானால், $f$ என்பது ஒன்றுக்கு ஒன்றான சார்பு ஆகும்.

சார்பு $f : A \rightarrow B$ -ஐ பலவற்றிற்கு ஒன்றான சார்பு எனில், அச்சார்பில் $A$-யின் ஒன்றிற்கு மேற்பட்ட உறுப்புகளுக்கு, $B$-ல் ஒரே நிழல் உரு இருக்கும்.

$f : A \rightarrow B$ என்ற ஒரு சார்பு, மேல் சார்பு எனில்,$f$ -யின் வீச்சகமானது, $f$-யின் துணை மதிப்பகத்திற்குச் சமமாக இருக்கும்.

 

துணை மதிப்பகம் $B-$ல் உள்ள ஒவ்வோர் உறுப்பிற்கும் மதிப்பகம் $A-$ல் முன் உரு இருக்கும் எனவும் கூறலாம்.

சார்பு $f : A \rightarrow B$ ஆனது உட்சார்பு எனில், $B$-ல் குறைந்தபட்சம் ஓர் உறுப்பிற்காவது, $A$-ல் முன் உரு இருக்காது.