21. நேர்க்கோட்டு உந்த அழிவின்மை விதி

முந்தைய பகுதிகளில், விசையின் திருப்புத்திறன்பற்றி படித்தோம்.

 

இந்தப் பகுதியில், நேர்க்கோட்டு உந்த அழிவின்மை விதி பற்றி அறிந்துகொள்வோம் மற்றும் அவற்றை ஒரு எடுத்துக்காட்டுடன் நிரூபிப்போம்.

 

நேர்க்கோட்டு உந்த அழிவின்மை விதி:

கீழ் கண்ட ஒரு எடுத்துக்காட்டின் மூலம் நேர்க்கோட்டு உந்த அழிவின்மை விதியினை நிரூபிக்கலாம்:

 

$A$ மற்றும் $B$ என்ற இருபொருட்களை எடுத்து கொள்வோம்.

 

அவைகளின் நிறைகள் முறையே $m_1$ மற்றும் $m_2$ என்க.

 

அவை $u_1$ மற்றும் $u_2$  ஆரம்ப திசை வேகத்தோடு நேர்க்கோட்டில் பயணிப்பதாக கொள்வோம்.

 

 

பொருள் $A$ னது,$B$ ஐ விட அதிக திசைவேகத்தில் செல்வதாக கருதுவோம் ($u_1\ >\ u_2$). பொருள் $A$ னது, $B$ யுடன் ‘$t$’ என்ற கால இடைவெளியில் மோதலை ஏற்படுத்துகிறது.

 

அப்பொருள்கள் மோதலுக்குப் பிறகு அதே நேர்க்கோட்டில் $v_1$ மற்றும் $v_2$ திசைவேகத்தில் பயணிப்பதாக கொள்வோம்.

 

நியூட்டனின் இரண்டாம் விதிப்படி,

 

$B$ யின் மீது $A$ செயல்படுத்தும் விசை $FA$ $=$ $\frac{m_2 \times (v_2\ -\ u_2)}{t}$

 

அதேபோல்
$A$ யின் மீது $B$ செயல்படுத்தும் விசை $F_B\ =\ \frac{m_1 \times (v_1\ –\ u_1)}{t}$

 

நியூட்டனின் மூன்றாம் விதிப்படி $A$ன் மீது செயல்படும் விசையானது $B$ன் மீது செயல்படும் எதிர்விசைக்கு சமம்

 

$\text{விசை}\ =\ \text{எதிர்விசை}$

 

$F_B\ =\ –F_A$

 

$\frac{m_1 \times (v_1\ –\ u_1)}{t}$ $=\ –$$\frac{m_2 \times (v_2\ -\ u_2)}{t}$

 

$m_1 \times v_1\ +\ m_2 \times v_2\ =\ m_1 \times u_1\ +\ m_2 \times u_2$

இது பொருளின் மீது செயல்படும் மொத்த உந்தம் ஒரு மாறிலி என்ற நேர்க்கோட்டு உந்த அழிவின்மை விதியினை நிரூபிக்கிறது