PDF chapter test TRY NOW
Important!
ஒரு தாவரத்தில் வேர் முக்கிய அச்சின் கீழ்ப் பகுதியாகும். இது நிலத்திற்குக் கீழே காணப்படும்.
வேரின் பண்புகள்:
- வேர்களில் கணுக்களும், கணுவிடைப் பகுதிகளும் இல்லை.
- அதன் நுனிப் பகுதியில் வேர்மூடி உள்ளது.
- வேர் நுனிக்குச் சற்று மேற்பகுதியில் வேர்த்தூவிகள் ஒரு கற்றையாகக் காணப்படுகின்றன.
- வேர்கள் நேர் புவிநாட்டம் உடையவை. அவை புவிஈர்ப்பு விசையினால் கீழ்நோக்கி வளர்கின்றன.
வேர்களின் பணிகள்:
- வேர்கள் தாவரத்தை பூமியில் நிலை நிறுத்தி அதிக நிலைத்தன்மையுடன் காணப்படும்.
- மண்ணிலிருந்து நீரையும், கனிமச் சத்துக்களையும் உறிஞ்சுகின்றது.
- சில தாவரங்கள், அவை தயாரித்த எஞ்சிய உணவை அதன் வேர்களில் சேமிக்கின்றன.
Example:
கேரட், பீட்ரூட்
தாவரங்களின் வேர்த் தொகுப்புகள் இரண்டு வகைப்படும். அவை பின்வருமாறு:
- ஆணி வேர்த்தொகுப்பு
- சல்லி வேர்த்தொகுப்பு
தாவரங்களின் வேர்த்தொகுப்பு
1. ஆணி வேர்த்தொகுப்பு
இந்த வேர்த்தொகுப்பானது விதையிலிருந்து முளைவேர் தொடர்ந்து வளர்ந்து ஆணிவேரை உண்டாக்குகின்றது. முளைவேர் தடித்த ஒரு முதன்மை வேரைக் (முதல்நிலை வேரை) கொண்டுள்ளது. இவ்வேரிலிருந்து துணை வேர்கள் தோன்றுகின்றன.
ஆணி வேர்த்தொகுப்பின் வகைகள்
இந்தத் துணை வேர்கள் இரண்டாம்நிலை வேர்களாகவும், மூன்றாம் நிலை வேர்களாகவும் உருவெடுக்கின்றன. பொதுவாக இரு வித்திலைத் தாவரங்களில் இவ்வகை வேர் காணப்படும்.
Example:
மாமரம், வேம்பு மரம், அவரைச்செடி போன்ற இரு வித்திலைத் தாவரங்களில் காணப்படும்.
2. சல்லி வேர்த்தொகுப்பு
சல்லி வேர்கள்
தண்டின் அடிப்பகுதியில் முதல்நிலை வேர், சிறிது காலத்தில் அழிந்து விடும் பின் சம பருமனுள்ள வேர்கள் கொத்தாகத் தோன்றி வளர்கின்றன. பெரும்பாலும் ஒரு வித்திலைத் தாவரங்களில் இவ்வேர்த்தொகுப்பு காணப்படும்.
Example:
நெல், புல், மக்காச் சோளம் போன்ற பல ஒரு வித்திலைத் தாவரங்களில் காணப்படும்.
Register for free to see more content