6. காடு வளர்ப்பு

காடுகளில் மரங்கள் அழிக்கப்படுவதன் விளைவாக உலகமெங்கும் பருவநிலை மிக மோசமானதாக மாறி வருவதால் பருவ மழை சரியாகப் பெய்வதில்லை. இதனால் பல நகரங்கள் மற்றும் கிராமங்களில் வாழும் பொது மக்கள் குடிநீர் கிடைக்காமல் அதன் பாதிப்பை எதிர்கொள்கின்றன. மேலும் பல விளைநிலங்கள் தரிசாக மாறி வருகிறது. பூமியில் உயிர் வாழ உயிரினங்களுக்கு நீர் அவசியமாகும். எனவே, நாம் அனைவரும் காடுகளை வளர்ப்பதைக் கடமையாக எண்ணவேண்டும்.

 

  

வெப்பக்காற்று, புயல், சீரற்ற பருவமழை, வெள்ளம், வறட்சி எனத் தீவிர வானிலை நிகழ்வுகளை உலகம் தொடர்ந்து சந்தித்து வருகின்றன. இதில் பல நிகழ்வுகள் காலநிலை மாற்றத்தின் தாக்கத்தால் ஏற்படுவதாக நிபுணர்கள் கூறுகின்றனர். இந்த மாற்றங்கள் இயற்கை மனித இனத்திற்கு விடும் ஒரு எச்சரிக்கை மணியாகும். நமது பூமியைப் பாதுகாக்க மறுசீரமைப்பு தேவை அதற்குக் காடு வளர்ப்பு தான் மிகச் சிறந்த தீர்வாக இருக்க முடியும்.

 

 

• இருப்பிடம் மற்றும் உணவு: காடு வளர்ப்பு உயிரினங்களின் அடிப்படைத் தேவையான இருப்பிடம் மற்றும் உணவு போன்றவை கிடைக்க வழி வகிக்கிறது.

• ஆக்சிஜன் உற்பத்தி: காடுகளில் அதிக எண்ணிக்கையில் மரங்களை வளர்ப்பதன்  மூலம் ஆக்சிஜன் உற்பத்தியை அதிகரிக்க முடியும்.

• மழை பொழிவு: காடுகளில் மரங்களை அதிகமாக வளர்ப்பதன் மூலம் நீராவியின் அளவு அதிகரித்து மழை பொழிவை உண்டாக்குகிறது.

• புவி வெப்பமடைதல்: காடுகள் மற்றும் மரங்கள் வளர்ப்பை அதிகப்படுத்தி கார்பன் டை ஆக்ஸைடு உமிழ்வை வளிமண்டலத்தில் மட்டுப்படுத்தலாம் இதனால் காற்று மாசுபாடு, பசுமை இல்ல வாயுக்கள் மற்றும் புவி வெப்பமடைதல் ஆகியவற்றால் நிகழும் பாதிப்புகளைக் குறைக்க முடியும்.

• தரிசு நிலம்: காட்டை மீண்டும் உருவாக்குவதன் மூலம் பயிர் நிலங்களைத்  தரிசாகாமல் தடுக்க முடியும்.

• மண் அரிப்பு: பயிர்கள் விளையாத நிலங்களில் வேகமாகக் காற்று வீசும் போதும், அதிக மழை பொழியும் போதும் மண் அரிப்பு நிகழ்கிறது. அழிக்கப்பட்ட காடுகளில் மீண்டும் அதிக எண்ணிக்கையில் மரங்களை வளர்ப்பதால், மரங்களின் வேர்கள் ஊட்டச்சத்துக்களுடன் சேர்ந்து மண்ணையும் இறுகப்  பிடித்துக் கொள்ளும் இதன் காரணமாக மண் அரிப்பு ஏற்படாமல் தடுக்க முடியும்.

• உயிரினங்கள் தேவையான வளங்கள்: காடுகளில் மரங்கள் நடுவதன் மூலம் மனிதர்களுக்குத் தேவையான தீவனம், பழங்கள், விறகு மற்றும் பல வகையான வளங்கள் அனைத்தும் கிடைக்கின்றன.

• தொழிற்சாலைகளை மேம்படுத்துதல்: தொழிற்சாலைகளுக்கு சில குறிப்பிட்ட வகை மரங்கள் தேவைப்படும். அத்தகைய மரங்களை வளர்க்கக் காடு வளர்ப்பு நமக்கு உதவுகின்றது.